PMC კვლევითი ცენტრმა ივნისის დასაქმების თრექერი გამოაქვეყნა, რომლის მიხედვით 2023 წლის პირველ ნახევარში Jobs.ge-ზე 42 075 ვაკანსია გამოქვეყნდა.
მიმოხილვის მიხედვით, ვაკანსიების რაოდენობა გასული წლის ამავე პერიოდს 15%-ით აღემატება. აღსანიშნია, რომ 2023 წლის ივნისში გამოქვეყნებული ვაკანსიების რაოდენობა მაისში გამოქვეყნებული ვაკანსიების რაოდენობას 1.1%-ით ჩამორჩება.
სექტორების მიხედვით, ყველაზე მეტი ვაკანსია 6 თვის განმავლობაში გაყიდვებისა და შესყიდვების კატეგორიაში გამოქვეყნდა. „იანვრიდან ივნისის ჩათვლით, 10,978 ვაკანსია გამოქვეყნდა გაყიდვების, შესყიდვების კატეგორიაში, რაც 2022 წლის შესაბამის პერიოდთან შედარებით, 4.9%-ით, ხოლო 2021 წლის შესაბამის პერიოდთან შედარებით, 82.2%-ით გაზრდილი მაჩვენებელია“, – აღნიშნულია მიმოხილვაში.
ადმინისტრაციის, მენეჯმენტის კატეგორიაში გამოქვეყნებული ვაკანსიების რაოდენობამ 9 919 შეადგინა, რაც 2022 წლის შესაბამის პერიოდთან შედარებით, 32.2%-ით, ხოლო 2021 წლის შესაბამის პერიოდთან შედარებით, 99.9%-ითაა გაზრდილი.
ფინანსების, სტატისტიკის კატეგორიაში ამ პერიოდში 7,799 ვაკანსია გამოქვეყნდა, რაც 2022 წლის შესაბამის პერიოდთან შედარებით, 46.4%-ით, ხოლო 2021 წლის შესაბამის მაჩვენებელს 121.4%-ით აღემატება.
RENTALS & Eristavi Estates-ის მმართველი პარტნიორი ზურაბ ერისთავი საინვესტიციო ბანკ Galt & Taggart-ის მიმოხილვაში გამოკვეთილ აქცენტებს ეთახმება, რომლის მიხედვით, უძრავი ქონების…
წლის ბოლოს ევროკავშირი გადაწყვეტს, გადადგამს თუ არა საქართველო შემდეგ ნაბიჯს მისი წევრობისკენ. ეს შესაძლებლობა არსებობს სწორედ ახლა. არ გაუშვათ ის ხელიდან. ჩვენი…
„ნაბეღლავი“ უკვე კორეაშიც გაიყიდება, – ამის შესახებ “წყალი მარგებელის” სტრატეგიული განვითარების მენეჯერმა, თინა მახარაძემ გადაცემა რედაქტ2-ში სტუმრობისას განაცხადა. „ზოგადად, კომპანია იზრდება…